ShQO aýmaǵyndaǵy joldardyń birinde qar kóshkini boldy
ASTANA. 28 naýryz. QazAqparat - Keshe Shyǵys Qazaqstan oblysy aýmaǵyndaǵy joldardyń birinde qar kóshkini boldy.
Bul jaıynda «Qazaqavtojol» RMK-nyń baspasóz qyzmeti habarlady.
27 naýryzda saǵat 15:00-16:00 aralyǵynda «Óskemen-Zyrıan-Qaton Qaraǵaı-Rahman qaınarlary» avtomobıl jolynyń 63-64-shi shaqyrymynda qar kóshkini boldy. Taratylǵan málimetterge qaraǵanda, qardyń kólemi 100-120 tekshe metrdi qurady. Atalǵan jol aralyǵy «Qazaqavtojol» RMK-nyń ShQO boıynsha fılıalyna qarasty. Qar kóshkininen keıin joldy tazalaýǵa 3 saǵat ýaqyt jumsaldy. Joldy tazalaý kezinde respýblıkalyq mańyzy bar avtojolda jol qozǵalysyna shekteý qoıylmady.
