ShQO aýmaǵyndaǵy joldarda kólik qozǵalysyna shekteý engizildi
NUR-SULTAN. QazAqparat – Saǵat 19:00-den bastap Shyǵys Qazaqstan aýmaǵyndaǵy birneshe avtojol ýchaskelerinde jolaýshy tasymaldaıtyn jáne dızeldik otynmen júretin kólikterdiń qozǵalysyna shekteý engiziledi, dep habarlaıdy QazAqparat.
«Aýa raıyna baılanysty saǵat 19:00-den tańǵy 7:00-ge deıin «Óskemen-Shemonaıha-RF shekarasy» atvojolynyń «Glýbokoe-Shemonaıha-RF shekarasy» ýchaskesinde, «Óskemen-Rıdder-RF shekarasy» avtojolynyń «Beloýsovka-Rıdder» ýchaskesinde jolaýshy tasymaldaıtyn jáne dızel otynymen júretin kólikterdiń qozǵalysyna shekteý engiziledi», - delingen «QazAvtoJol» baspasóz qyzmetiniń málimetinde.
Sonymen qatar, erteń tańerteńge deıin «Óskemen-Altaı-Qatonqaraǵaı-Rahman qaınarlary» avtojolynyń «Ýshanovkoe-Altaı» ýchaskesinde de dızel otynymen júretin kólikterdiń jolǵa shyǵýyna ýaqytsha tyıym salyndy.
