ShQO aýmaǵyndaǵy respýblıkalyq joldardyń ýchaskelerinde kólik qozǵalysy shekteldi
ASTANA. 26 aqpan. QazAqparat - Boranǵa baılanysty birqatar joldardyń ýchaskelerinde kólik qozǵalysy shekteldi. Bul týraly «Qazaqavtojol» RMK-nyń baspasóz qyzmetinen habarlandy.
Shyǵys Qazaqstan oblysy aýmaǵyndaǵy qolaısyz aýa raıyna baılanysty avtokóliktiń barlyq túrleri úshin búgin myna joldarda shekteý qoıyldy:
saǵat 14.50-den bastap "Óskemen-Shemonaıha-RF shekara" jolynyń 105-123 shaqyrymyndaǵy «Shemonaıha-RF shekara aralyǵynda» ;
saǵat 16.15-ten bastap "Óskemen-Shemonaıha-RF.shekara" jolynyń 36-105 shaqyrymyndaǵy «Predgornoe-Shemonaıha» aralyǵy;
saǵat 17.00-den bastap "Semeı-Novoaltaıskıı-RF.shekarasy" 2-113 shaqyrymy aralyǵy;
saǵat 17.00-den bastap "Semeı-Qaınar" 8-284 shaqyrymy aralyǵy;
saǵat 17.00-den bastap "Almaty-Óskemen" 977-1075 shaqyrymyndaǵy «Qalbataý a.-Q.Qaısenov a» aralyǵy;
saǵat 17.15-ten bastap "Óskemen-Semeı" 9-198 shaqyoymyndaǵy «Gerasımovka a.-Semeı q.» aralyǵy.
Al Pavlodar oblysynda búgin saǵat 13.00-den bastap "Ýlıanovsk-Baıanaýyl-Qalqaman" jolynyń 93-324 shaqyrymyndaǵy «Qaraǵandy obl.shekara-Qalqaman q.aralyǵynda» jol jabyldy.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
