ShQO aýmaǵynyń teń jartysy áli de qar astynda jatyr

ÓSKEMEN. KAZINFORM – Shyǵys Qazaqstan oblysy aýmaǵynyń teń jartysynda áli de qar jatyr. 

Qazirgi ýaqytta oblysta sý tasqynynyń birinshi tolqyny aıaqtalýda. Alaıda taýly jerlerde qar áli qalyń. Búginde jalpy óńir aýmaǵynyń 50%-dan astamynda qar jatyr.

Aýa temperatýrasynyń joǵarylaýy men jaýyn-shashynnyń mol bolý múmkindigin eskere otyryp, sáýir aıynyń ortasyna qaraı sý tasqynynyń ekinshi tolqyny kútilýde. Buqtyrma, Úlbi, Úbe, Turǵysyn, Kúrshim, Qaljyr jáneHamır ózenderinde sý deńgeıi kóterilýi yqtımal.

«Sý tasqyny jaǵdaıyn baqylaý úshin turaqty túrde aerovızýaldyq tekserýler júrgizilýde. 132 gıdrotehnıkalyq qurylys shtattyq rejımde jumys isteýde. Bógetterde sýdyń deńgeıi aldyn ala tómendetilgen. Qyzyl sýdyń jáne ózenderde muz keptelisiniń ótýine monıtorıng kúsheıtildi. Sý tasqyny ýchaskelerin barlaý jalǵasýda», - dep habarlady ShQO ákiminiń baspasóz qyzmetinen.

Oblysta jedel shtab táýlik boıy jumys isteýde. Kúshter men quraldar ázir tur.