ShQO aýyldarynda oqýshylar boranǵa baılanysty qashyqtan oqıtyn boldy

Shyǵys Qazaqstan oblysynyń birqatar aýylynda oqýshylar aýa raıynyń qolaısyzdyǵyna baılanysty qashyqtan oqıdy, dep habarlaıdy Kazinform.

ShQO Bilim berý basqarmasynyń málimetine súıensek, 7 jeltoqsanda aýa raıy qolaısyzdyǵyna, naqty aıtqanda kóktaıǵaq pen boranǵa baılanysty birqatar aýyldaǵy mektep oqýshylary onlaın formatta oqıdy.

«Kúrshim aýdany Tósqaıyń aýylyndaǵy mektepte 1-2 aýysymnyń 1-11 synyp, Samar aýdany Amangeldi aýylyndaǵy mektepte 1-9 synyp, Kúrshim aýdany Baraq Batyr, Shanaǵaty aýyldaryndaǵy jáne Glýbokoe aýdany Predgornoe aýylyndaǵy orta mektepte 1-4 synyp oqýshylary mektepke barmaıdy», - delingen aqparatta.

Eske salsaq, keshe Shyǵys Qazaqstandaǵy keıbir mektepterdiń túski aýysymdaǵy oqýshylary qashyqtan oqyǵan bolatyn.