ShQO aýdanynda 182 kásipkerge asyl tuqymdy mal ósirý úshin sýbsıdııa berildi

ÓSKEMEN. QazAqparat – Shyǵys Qazaqstan oblysy Zaısan aýdanynda 182 kásipkerge asyl tuqymdy mal ósirý úshin sýbsıdııa berildi, dep habarlaıdy QazAqparat tilshisi.

Zaısan aýdanynda bıyl birqatar mańyzdy salada ósim baıqalyp otyr.

Іske asyrylyp jatqan barlyq jobanyń basty maqsaty – halyqtyń ómir súrý sapasyn jaqsartý, eldi mekenderdiń ınfraqurylymyn damytý, jańa jumys oryndaryn qurý, ınvestıtsııa tartý.

Bul týraly aýdan ákimi Dýlat Qajanov «Memleket basshysynyń tapsyrmalary sheńberinde Zaısan aýdanynyń áleýmettik-ekonomıkalyq damýy» taqyrybynda ótken baspasóz konferentsııasynda málim etti.

«Ónerkásip – aýdan ekonomıkasyndaǵy negizgi salalardyń biri. Jyl basynan beri óńdeý ónerkásibinde 890 mln teńgeniń ónimi shyǵaryldy. Atap aıtqanda, 19,8 tonna kómir, 14,2 tonna beton jáne qurylysqa qajetti beton ónimderi, 34 tonna óńdelgen sút, 500 tonna un, 418 tonna nan ónimderi óndirildi», - deıdi ol.

Dýlat Qajanovtyń aıtýynsha, aýyl sharýashylyǵy salasy da damyp jatyr. Bıyl osy salaǵa 341 mln teńge kóleminde ınvestıtsııa tartylǵan.

«Aýdanda mal sany artyp keledi. Naqty aıtqanda, iri qara 98 807, jylqy 43 725, qoı-eshki 105 625 basqa jetti. Asyl tuqymdy mal ósirý jáne sanyn kóbeıtý maqsatynda memleketten sýbsıdııa alýǵa 209 kásipker qujattaryn tapsyrǵan bolatyn. Onyń ishinde 182 adamǵa sýbsıdııa berildi», - deıdi aýdan ákimi.