ShQO aýdandarynda jańajyldyq aýyl sharýashylyǵy jármeńkeleri ótip jatyr
ÓSKEMEN. QazAqparat - Búgin ShQO-nyń barlyq aýdandarynda, jergilikti ónim óndirýshilerdiń qatysýymen Jańa jyl qarsańyndaǵy aýyl sharýashylyǵy jármeńkeleri ótip jatyr, dep habarlaıdy «QazAqparat» HAA tilshisi.
Óskemendegi «Fresh Market» mańynda ótip jatqan jármeńkege Glýbokoe aýdany óz ónimderin ákeldi. Semeıdegi jármeńkege Abaı aýdanynyń aýyl sharýashylyq ónimderi jetkizildi.
Al týra Jańa jyl qarsańynda, ıaǵnı 30 jeltoqsan kúni Óskemen men Semeı turǵyndary úshin jergilikti aýyl sharýashylyǵy ónimderin óndirýshiler qaladaǵy birneshe núktede jármeńke uıymdastyrady.
