ShQO aýdandaryna qatynaıtyn paromdar jumysyn toqtatty

Shyǵys Qazaqstan oblysynyń aýdandaryna qatynaıtyn paromdar búginnen bastap jumysyn toqtatty, dep habarlaıdy Kazinform.

Kúrshim men Samar aýdandaryn Buqtyrma sý qoımasy arqyly jalǵap turǵan «Ertis» jáne «Kúrshim» paromdary 28 jeltoqsannan bastap jumysyn toqtatty. Bul týraly ShQO Jolaýshylar kóligi jáne avtomobıl joldary basqarmasynan málim etti.

«Qazirgi ýaqytta muz ústinde kólik qozǵalysyna tyıym salynǵan. Muzǵa shyǵý qaýipsiz bolǵan kezde ǵana muz ótkeli ashylady», - delingen aqparatta.

Aıta keteıik, qazirgi ýaqytta Prezıdent tapsyrmasyna sáıkes Buqtyrma sý qoımasyna kópir salynyp jatyr. Bul Qazaqstandaǵy eń uzyn kópir bolmaq. Qurylys jumystary kelesi jyldyń aıaǵynda aıaqtalady dep kútilýde.