ShQO aralynda qalyp qoıǵan 3 bala qutqaryldy
ÓSKEMEN. QazAqparat – Shyǵys Qazaqstan oblysynyń qutqarýshylar aralda qalyp qoıǵan balalarǵa kómek kórsetti, dep habarlaıdy QazAqparat tilshisi.
Búgin ata-anasynyń qaraýynsyz qalǵan 11 jáne 16 jas aralyǵyndaǵy úsh bala Úlbi ózeniniń jaǵasyndaǵy aralda oınap júrgen. Úıge qaıtar kezde balalar ózdiginen jaǵaǵa jete almaıtyndyqtaryn kórdi. Olardyń ishindegi eń eresegi sýdy keship ótip, jaqyn mańdaǵy qutqarýshylar bólimshesine habar bergen.
«Oqıǵa ornyna jetken jedel-qutqarý jasaǵynyń qutqarýshylary úrlemeli qaıyqpen balalardy bergi jaǵaǵa aparyp tastady. Tońyp qalǵan balalar Apattar medıtsınasy ortalyǵynyń dárigerleri qarap shyqqan soń, aýrýhanaǵa jetkizildi», - delingen oblystyq TJD taratqan habarlamada.
Osy rette, departament ata-analarǵa balalardy qaraýsyz qaldyrmaı, qaýipsizdik sharalaryn túsindirý qajettigin eskertedi. Esh ýaqytta jaǵalaýda jáne muz oıyqta oınaýǵa bolmaıdy.
