ShQO, Almaty jáne Pavlodar oblystarynyń joldarynda «qatyp qalǵan» kólikten 30-ǵa jýyq adam qutqaryldy
ASTANA. 20 jeltoqsan. QazAqparat - Almaty oblysynda 19 jeltoqsan kúni saǵat 21.30-da Raıymbek aýdanynda,
«Kegen-Dostyq» tas jolynyń 25-shi shaqyrymynda eki kólik pen úsh adam qar qursaýynda qalyp qoıǵandyǵy týraly aqparat kelip tústi.
QR TJM-niń baspasóz qyzmetinen habarlanǵandaı, Almaty oblysy boıynsha TJD TJB-niń kúshimen (4 adam men 1 tehnıka) adamdar mingen kólik joldyń tazartylǵan bóligine shyǵaryldy. Zardap shekkender joq.
Sondaı-aq, keshe saǵat 20.00-de Shyǵys Qazaqstan oblysy Aıagóz aýdanynda, Aıagóz qalasyna jetpeı, joldyń 35-65-shi shaqyrymynda janar-jaǵarmaıdyń qatyp qalýy sebepti 25 júk kóligi jolda qalyp qoıdy. ShQO boıynsha TJD TJB (2 adam men 1 tehnıka) ákimdikpen birlesip (2 adam men 1 tehnıka) 12 júrgizýshini Aıagóz qalasyna jetkizdi, segiz júrgizýshi synyp qalǵan kólikterdiń ishinde qaldy, júrgizýshilerdiń basym deni Aıagóz qalasyna jolshybaı kóliktermen jetti. Zardap shekkender joq.
Keshe saǵat 19.00-de Pavlodar oblysynda «Pavlodar-Ekibastuz» tas jolynyń 35-shi shaqyrymynda bir kólik synyp qaldy. QR TJM Pavlodar oblysy boıynsha TJD Ekibastuz qalalyq Shuǵyl qutqarý qyzmetiniń kúshimen (3 adam men 1 tehnıka) júrgizýshi kóligimen birge Ekibastuz qalasyna jetkizildi. Zardap shekkender joq.
