ShQO, Almaty oblysy jáne Almaty qalasy mańyndaǵy taý ózenderiniń deńgeıi kóterilýi múmkin

NUR-SULTAN. QazAqparat - 1-2 mamyrda ShQO, Almaty oblysy jáne Almaty qalasy mańyndaǵy taý ózenderiniń deńgeıi kóterilýi múmkin, dep habarlaıdy QazAqparat.

«1-2 mamyr aralyǵynda jańbyr, keı jerlerde qatty nóser kútilýine baılanysty Shyǵys Qazaqstan, Almaty oblystary jáne Almaty qalasy mańyndaǵy taýly aýdandarda betkeı aǵystary kúsheıip jáne ózenderde sý deńgeıi kóterilýi yqtımal», delingen habarlamada.

Sondaı-aq, jylymyqtyn áserinen, qar jamylǵysynyń turaqsyz bolýyna jáne jaýyn-shashynǵa baılanysty Úlken jáne Kishi Almaty sý alaptarynda (2 500 metr bıikten joǵary) 1 - 4 mamyr aralyǵynda qar kóshkini qaýpi saqtalady.
«Kóshkin júrý qaýpi múmkin bolýyna baılanysty, qarly betkeılerge shyǵý usynylmaıdy. Taýda abaı bolyńyzdar», delingen habarlamada.