ShQO aqsaqaldary Abaı eskertkishine taǵzym etti
Abaı alańynda ótken sharaǵa Shyǵys Qazaqstan oblysynyń ákimi Danıal Ahmetov qatysty. Aımaq basshysy jergilikti aqsaqaldarmen birge hakimniń eskertkishine gúl shoqtaryn qoıdy. Sonymen qatar ol abattandyrý jumystary júrgizilgen alańdy aralap shyqty. Munda gúlzarlar qaıta jańartylyp, shamdar aýystyrylǵan, ásemdik úshin eskertkishke túngi jaryqtandyrý ornatyldy. Budan bólek, eskertkish pen onyń tuǵyry jóndelip, balalar men sport alańdary salynǵan.
«Óńir boıynsha búginde birqatar merekelik sharalar josparlanyp otyr. Abaı aýdanynyń turǵyndary oblystyń shyǵarmashylyq ujymdary uıymdastyrǵan «Abaıǵa taǵzym» kontserttik baǵdarlamasyn tamashalamaq. Jergilikti telearnalar Jıdebaıdaǵy Abaı úı-mýzeıinen tikeleı efır kórsetedi. Ár saǵat saıyn Qazaqstannyń ár aımaǵyndaǵy mádenıet jáne óner qaıratkerleri uly aqynnyń óleńderin oqýda. Sonymen qatar Abaı-Shákárim kesenesiniń aınalasynda onlaın-ekskýrsııalar ótkizilýde», - delingen ShQO Aqparat ortalyǵynyń málimetinde.
