ShQO ákiminiń birinshi orynbasary Jaqsylyq Omarǵa eki bap boıynsha aıyp taǵyldy
ÓSKEMEN. KAZINFORM — Shyǵys Qazaqstan oblysy ákiminiń birinshi orynbasary Jaqsylyq Omardyń soty bastalady.
Búgin Óskemen qalasynyń qylmystyq ister jónindegi aýdanaralyq sotynda Shyǵys Qazaqstan oblysy ákiminiń birinshi orynbasary Jaqsylyq Omarǵa qatysty sot protsesi bastalady. Bul týraly sot kabınetindegi qujatta jarııa etildi.
— Jaqsylyq Omarǵa QR Qylmystyq kodeksiniń 190-baby 3-bóliginiń 1, 2-tarmaqtary (iri mólsherdegi alaıaqtyq) jáne 366-baby 3-bóliginiń 3-tarmaǵy (iri mólsherde para alý) boıynsha qylmystyq quqyq buzýshylyq jasady degen aıyptar taǵylyp otyr, — delingen qujatta.
Eske salsaq, osyǵan deıin QR Ulttyq qaýipsizdik komıtetiniń ShQO ákiminiń birinshi orynbasary Jaqsylyq Omarǵa qatysty tergeý júrgizilip jatqany jaıly habarlaǵan.
Al odan buryn ShQO ákimdigi atalǵan laýazymdy tulǵaǵa qatysty pikir bildirgen edi. Ákimdiktiń málimetinshe, laýazymdy tulǵa densaýlyǵyna baılanysty ýaqytsha eńbek demalysyna shyqqan.
