ShQO ákiminiń birinshi orynbasary Jaqsylyq Omar 6 mln teńge para alǵanyn moıyndady
ÓSKEMEN. KAZINFORM — Shyǵys Qazaqstan oblysy ákiminiń birinshi orynbasary Jaqsylyq Omarǵa qatysty alǵashqy sot otyrysy ótti.
Óskemen qalasynyń qylmystyq ister jónindegi aýdanaralyq sotynda ótip jatqan sot isi barysynda Jaqsylyq Omarǵa alaıaqtyq jáne para alý baptary boıynsha aıyp taǵyldy.
Aıyptaý tarapynyń málimetinshe, ol memlekettik mekemeniń balansyndaǵy avtokólikti satýdan túsken qarajatty jymqyrýǵa qatysy bar degen kúdikke ilingen. Sonymen qatar tergeý nusqasy boıynsha ol kásipkerden birneshe mln teńge kóleminde para alǵan.
Sot otyrysynda Jaqsylyq Omar ózine taǵylǵan aıyptardy moıyndady. Óz sózinde ol aqpan aıynyń basynda qala ákiminiń orynbasary A.Máýlethanovtan 6 mln teńge kóleminde para alǵanyn jetkizdi.
— Ol maǵan 20 mln teńge berýi tıis edi. Aqshany bólip beretinin aıtty. Men kelistim. Іstegen isime ókinemin, — dedi aıyptalýshy.
Eske salsaq, osyǵan deıin ShQO ákiminiń birinshi orynbasary Jaqsylyq Omarǵa eki bap boıynsha aıyp taǵylǵany jaıly jazǵanbyz.
