ShQO-da kúzde úsh «jaıly mektep» esigin aıqara ashady
ÓSKEMEN. KAZINFORM — Aımaq basshysy oblys ortalyǵynda salynyp jatqan úsh jańa «jaıly mekteptiń» qurylys jumysy barysymen tanysty.
Qaladaǵy 19-yqsham aýdanda jáne Esenberlın dańǵylynda 600 oryndyq eki mektep salynýda.
Sondaı-aq, qala shetindegi Tımofeev kóshesiniń boıynda 300 oryndyq mekteptiń qurylys jumysy qarqyndy túrde jalǵasyp jatyr. Qala ákimdiginiń aqparaty boıynsha, atalmysh aýdanda bilim berý nysandary joq jáne jańa mektep jergilikti turǵyndar úshin qolaıly jaǵdaı jasaıdy.
— Jaıly mektepter atyna zaty saı, zamanaýı qural-jabdyqtarmen jabdyqtalyp, oqýshylar úshin bar jaǵdaıy jasalýy tıis. Barlyq nysandardyń tıisti merzimde tapsyrylýyn baqylaý qajet, — dedi ShQO ákimi Ermek Kósherbaev.
Aıta keteıik, ulttyq joba qurylysynyń operatory — «Samruk-Kazyna Construction» kompanııasy.
ShQO bilim basqarmasynyń basshysy Inessa Chernysheva atap ótkendeı, jańa mektepterde bilim berý jumysyn uıymdastyrý boıynsha arnaıy is-sharalar bastalyp ketti.
