ShQO ákimshiligi jer qoınaýyn paıdalanýshylarmen kelisimshartty buzdy
ÓSKEMEN. QazAqparat - Shyǵys Qazaqstanda jer qoınaýyn paıdalanýshylar nysandarynyń sany artqany baıqalady. Bul týraly búgin kásipkerlik basqarmasy basshysynyń mindetin atqarýshy Maqsat Músápirbekov aıtty, dep habarlady «QazAqparat» HAA tilshisi.
Búginde olardyń sany 276, onyń 90-y sırekjerlik metall, 20-sy - jer asty sýlary, qalǵany - keń taralǵan paıdaly qazbalar.
M. Músápirbekov kásiporyndardyń jer qoınaýyn paıdalanýǵa arnalǵan ınvestıtsııasy jospardan asyp, ótken jyly 267 mlrd teńgeden astamdy qurady. Osy jylǵy birinshi toqsandaǵy kórsetkish te ınvestıtsııalyq salymnyń odan ári óse túsetindigin kórsetedi.
68 jer qoınaýyn paıdalanýshy paıdalanýdaǵy ken oryndary qorlaryn keńeıte otyryp, geologııalyq barlaý jumystaryn júrgizedi.
Maqsat Músápirbekovtiń aıtýynsha, jer qoınaýyn paıdalaný máseleleri boıynsha saraptaý komıssııasy óńirdiń áleýmettik-ekonomıkalyq damýyna aýdarymdar kólemin ulǵaıtý jáne keń taralǵan paıdaly qazbalar boıynsha qoldanystaǵy kelisimsharttar boıynsha ınfraqurylymdar máselesi qaralady. Ótken jyly aýdarymdar kólemi 44 mln teńgege, osy jylǵy bes aıda 2 esege ulǵaıdy.
Sonymen qatar, basqarma basshysy jyl qorytyndysy boıynsha keń taralǵan paıdaly qazbalar boıynsha 27 jer qoınaýyn paıdalanýshy óńirdi damytýǵa aýdarymdar, qazaqstandyq mamandardy oqytý boıynsha lıtsenzııalyq-kelisimsharttyq mindettemelerdi buzdy.
«Olarǵa kelisimsharttardyń áreketin yqtımal toqtata turý týraly habarlama jiberildi», - dep atap ótti basqarma basshysy jáne osy tizimde «eskertý jasalǵan» bir kásiporynmen («Avtoservıs Semeı» JShS) kelisimshart buzyldy. Taǵy 17 fırma buzýshylyqty joıdy, qalǵan 9-y boıynsha - kelisimshartty buzý týraly másele birinshi jartyjyldyqtyń qorytyndysy boıynsha qaralady.
