ShQO ákiminiń orynbasary sibir oıyq jarasyn juqtyrǵan eki turǵynǵa qatysty aqparatty rastady
ÓSKEMEN. QazAqparat - Shyǵys Qazaqstan oblysynyń Jarma aýdanynda túıneme - Sibir oıyq jarasyna shaldyqty degen kúdikpen eki adam aýdandyq aýrýhanaǵa jatqyzyldy. Bul týraly búgin óńirlik kommýnıkatsııalar qyzmetinde bolǵan baspasóz máslıhatynda oblys ákiminiń orynbasary Dúısenǵazy Mýsın habarlady.
ShQO ákiminiń orynbasary Dúısenǵazy Mýsınniń aıtýynsha, kórshisine tıesili bir iri qarany soıǵan Jarma aýdanynyń eki turǵyny dene qyzýymen ortalyq aýdandyq aýrýhanaǵa barǵan. Ekeýinde de sibir oıyq jarasynyń nyshany baıqalǵan. Zerthanalyq zertteýlerdiń qorytyndysy 27 maýsym kúni belgili bolady.
«Jumys tobyn quryp, mal soıylǵan jerge bardyq. Belgili bolǵandaı vaktsınalaý tártibi ýaqytyly júrgizilip turǵan. Mal dárigerleri qarap shyǵyp, túıneme aýrýynyń belgileri joq ekenin jetkizdi. Bul oqıǵa erekshe baqylaýda», - dedi ShQO ákiminiń orynbasary Dúısenǵazy Mýsın.
Mal dárigeri sıyr ýly shópterden ýlanǵan dıagnoz qoıdy.
ShQO boıynsha Tutynýshylar quqyǵyn qorǵaý departamentiniń basshysy Ǵazız Súleımenovtyń aıtýynsha, aýrýǵa shaldyqqan jáne olarmen baılanysqa túsken turǵyndar normatıvti 15 kún baqylaýda bolady. Sońǵy dıagnoz belgili bolmaǵandyqtan, karantın jarııalanǵan joq.
