ShQO ákiminiń birinshi orynbasary Almashan Smatlaev qyzmetinen bosatyldy

ÓSKEMEN. QazAqparat –Shyǵys Qazaqstan oblysy ákiminiń birinshi orynbasary bolǵan Almashan Smatlaev basqa jumysqa aýysýyna baılanysty qyzmetinen bosatyldy, dep habarlaıdy QazAqparat tilshisi óńir ákimdigine silteme jasap.

Almashan Baýyrjanuly 1989 jyly Shymkent qalasynda dúnıege kelgen. Reseı Federatsııasynyń Úkimeti janyndaǵy Qarjy ýnıversıtetin jáne Blýmberg ýnıversıtetin (Pensılvanııa, AQSh) támámdaǵan.

«Ekonomıka», «halyqaralyq ekonomıka», «qarjy jáne kredıt» mamandyqtary boıynsha tórt joǵary bilimi bar. Sonymen qatar «memlekettik jáne mýnıtsıpaldyq basqarý» magıstri dárejesine ıe.

2009-2011 jyldary - «Koral Grýpp» kompanııasy bas dırektorynyń orynbasary bolyp qyzmet etti.

2011-2012 jyldary - «Servıs ı Tehnologıı INVEST» kompanııasynyń bas dırektory.

2012-2014 jyldary - Eýrazııalyq ekonomıkalyq komıssııasynda keńesshi.

2014 jyldan ShQO ákimi apparatynda jumys istegen, Ekonomıka jáne bıýdjettik josparlaý basqarmasyn basqardy.

2018-2020 jyldary ShQO ákiminiń ekonomıka jáne qarjy máseleleri jónindegi orynbasary bolyp qyzmet etti.

2020 jyldyń sáýir aıynan osy ýaqytqa deıin ShQO ákiminiń birinshi orynbasary boldy.