ShQO ákimi soǵys ardagerin arnaıy baryp quttyqtady

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov soǵys ardageri Pavel Albohti arnaıy baryp quttyqtady, dep habarlaıdy QazAqparat tilshisi.

Ekinshi dúnıejúzilik soǵys ardageri Pavel Alboh Rıdder qalasynda turady. Aımaq basshysy maıdangerdiń úıine baryp, kele jatqan Uly Jeńis merekesimen quttyqtady.

«1941 jyldyń qarasha aıynda ol áskerı jıyndarǵa shaqyryldy. Keıin Syzran qalasyndaǵy avıatsııalyq baılanys ýchılışesine jiberildi. Ýchılışeni bitirgennen keıin 1943 jyly serjant ataǵymen 565 shabýyldaý avıatsııalyq polkine qosyldy. Jas serjant Pavel Prokofevıch ushaqtardaǵy baılanys radıojabdyǵy mehanıginen bastap, Otan soǵysy ordeniniń, «Jaýyngerlik eńbegi úshin» jáne «Germanııany jeńgeni úshin» medaldarynyń ıegerine atanǵanǵa deıin uzaq soǵys jolynan ótti. Ardagerdi shyn júregimmen quttyqtap, izgi tilegimdi jetkizdim», - dedi Danıal Ahmetov.

Pavel Alboh soǵystan keıin qurylys salasynda jumys istegen. Rıdderdegi shaǵyn aýdandardy salýǵa qatysqan.

Onyń erligi men qaısarlyǵy - jas urpaqqa úlgi. Ardager qazir 98-ge kelgen.