ShQO ákimi Qazaqstandaǵy úshtildilik máselesine qatysty pikir bildirdi
ÓSKEMEN. QazAqparat - Shyǵys Qazaqstan oblysynyń ákimi Astanadaǵy Ortalyq kommýnıkatsııalar qyzmetiniń brıfınginde úshtildiliktiń pılottyq jobasy týraly aıtty, dep habarlaıdy «QazAqparat» HAA tilshisi ShQO ákiminiń aqparat ortalyǵyna silteme jasap.
«Biz kelissózder júrgizip, Bilim jáne ǵylym mınıstrliginiń úshtildilik boıynsha pılottyq jobasyn júrgizýge kelisim aldyq. Biraq, bul jumysqa kirispes buryn, aýdıt júrgizdik. Onyń nátıjesi qýanta qoımady. Biraq! Bul sizder men bizderdiń ustazdarymyz, ony jaqsy túsinemin. Meniń anam 46 jyl boıy bastaýysh synyp muǵalimi bolyp qyzmet etti. 90-jyldardyń ortasy men 2000 jyldardyń basynda jaǵdaı solaı bolǵan edi», - dep atap ótti ShQO ákimi.
Danıal Ahmetovtyń aıtýynsha, barlyq 3400 muǵalim aǵylshyn, qazaq jáne orys tilderin úsh jyl boıy úırenetin bolady.
«Ótken jyly aǵylshyn tili páninen sabaq beretin muǵalimderge aǵylshyn tilinde sóıleıtin mamandar sabaq berdi. Endi qazaq tiline keletin bolsaq, bul pánnen sabaq beretin muǵalimderdi bizdiń úzdik pedagogtarymyz úıretetin bolady. Qazaq mektepterinde orys tiline úıretý de dál solaı júzege asady. Barlyǵyn atalmysh tilde erkin sóıleıtin adamdar úıretedi», - dep túsindirdi Ahmetov.
«Qazirgi tańda qazaq tilin Kembrıd ýnıversıtetiniń aǵylshyn talaptary negizinde úıretý qolǵa alynǵan. Aǵylshyn tili de kembrıdjdik júıemen oqytylyp jatyr, ıaǵnı kóbirek sóılep, grammatıkanyń az bolýy tásili», - dep túsindirdi oblys ákimi.
Sonymen qatar, Danıal Ahmetov: «Biz elimizde alǵashqylardyń biri bolyp óz oqýlyqtarymyzdy shyǵaryp, barlyǵyn qamtamasyz ettik. Bul - latyn árpine tez úırenýge jasalǵan alǵashqy qadam. Al, latyn álipbıine aýysý - aǵylshyn tiline kóshý degen sóz! Aǵylshyn tilin jaqsy úırensek, latınıtsany da jetik meńgeretin bolamyz», - dep túsindirdi ákim.
Danıal Ahmetov óz sózin qorytyndylaı kele, álemniń 40%-y latyn árpin qoldanatyndyqtan, bizdiń tańdaý da latınıtsaǵa kelip túskenin málimdedi.
