ShQO ákimi bos jatqan jerlerdi memleket menshigine qaıtarýdy tapsyrdy
Óskemendegi 19 shaǵyn aýdan qaramaǵyndaǵy birqatar jer telimderi 13 jyl boıy nysanaly maqsatyna saı qoldanylmaı kelgen. Olar búginde jekemenshiktiń quzyrynda. Oblys ákimi bos jatqan jerdi memleket menshigine qaıtarýǵa tapsyrma berdi.
Shaǵyn aýdannyń 30-dan astam ýchaskesine ınjenerlik ınfraqurylym jelisi tartylǵan. Al jumystyń quny 40 mıllıard teńge boldy. Qarajat memleket qazynasynan bólingen. Bir qyzyǵy, jumys aıaqtalǵan soń, jer telimderi jekeniń qolynda ketken. Qurylysqa bilek sybana kiriskenderi neken-saıaq. Nebári 5 kásipker. Oblys ákimi tapsyrmasynan keıin birden 3 ýchaske keri memleket menshigine qaıtaryldy. 
«Injenerlik-kommýnıkatsııalyq ınfraqurylym jumystaryna 40 mlrd teńge beıbereket jumsalǵan. Onyń jemisin kórip jatqan eshkim joq. Biz shaǵyn aýdan salý úshin jańa resýrstar izdep júrsek, munda úlken jer ýchaskeleri bos jatyr. Olardyń ornyna 20 kóppáterli turǵyn úı salýǵa bolatyn edi», - dedi Danıal Ahmetov.
Aımaq basshysy, jer telimderin alǵan azamattar qurylys júrgizýge nıet bildirse, qurylys merzimi, qarjylyq múmkindigi baıan etilgen qujattaryn, sondaı-aq jobalyq-smetalyq qujatyn kórsetýleri tıis. Áıtpese, jer sot arqyly keri qaıtarylady.
