ShQO ákimdiginiń qasyndaǵy ǵımaratqa bomba qoıylǵany týraly habar tústi
ShQO Polıtsııa departamenti baspasóz qyzmetiniń málimetine súıensek, 8 maýsym kúni saǵat 11.06-da Qazaqstan kóshesindegi oblystyq ákimdiktiń qasyndaǵy ǵımaratqa bomba qoıylǵany týraly habar túsken. Bul ǵımaratta memlekettik mekemeler men birqatar basqarma ornalasqan. Oqıǵa ornyna birden arnaıy mamandar kelip jetti.
«Qaýipsizdik maqsatynda qyzmetkerler men kelýshiler evakýatsııalandy. Alaıda tekserý barysynda eshqandaı jarylǵysh zat anyqtalǵan joq», - delingen aqparatta.
Qazirgi ýaqytta atalǵan fakti boıynsha QR Qylmystyq Kodeksiniń 273-babyna sáıkes sotqa deıingi tergeý amaldary bastaldy. Jalǵan habar bergen adam zań boıynsha bes jylǵa deıingi merzimge bas bostandyǵynan aıyrylýy múmkin.
Esterińizge sala ketsek, osyǵan deıin Óskemende Reseıde tirkelgen kólik jol erejesin 84 ret buzǵanyn habarlaǵan edik .