11:06, 06 Aqpan 2020 | GMT +6
ShQO ákimdiginiń birqatar basshylary 35 mln teńge para aldy dep aıyptalýda
ÓSKEMEN. QazAqparat - Shyǵys Qazaqstan oblysy ákimdiginiń birqatar basshylary sybaılas jemqorlyq kúdigine ilindi, dep habarlaıdy QazAqparat Sybaılas jemqorlyqqa qarsy qyzmetke silteme jasap.
Sybaılas jemqorlyqqa qarsy qyzmet sybaılas jemqorlyq qylmysyn jasady degen kúdikke ilingen Shyǵys Qazaqstan oblysynyń aýyl sharýashylyǵy basqarmasy basshysynyń orynbasary men Shyǵys Qazaqstan oblysy ákimi apparatynyń zań bóliminiń basshysyna qatysty sotqa deıingi tergeýdi bastady.
«Olar «Agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasy» aıasynda járdemdesý men jalpy qamqorlyq úshin JShS ókilinen 35 mıllıon teńge kóleminde para aldy dep kúdiktelýde» delingen habarlamada.
Atalǵan laýazymdy tulǵalar men JShS ókili ustalyp, Óskemen qalasynyń ýaqytsha ustaý abaqtysyna qamaldy. Bultartpaý sharasyn tańdaý týraly másele qarastyrylýda.
Kúdiktilerge qatysty túpkilikti sheshimdi sot shyǵarady.
