ShQO ákimdiginde úshtildilikti damytý máseleleri talqylandy
ASTANA. QazAqparat - Shyǵys Qazaqstan oblysynyń ákimi Danıal Ahmetovtiń tóraǵalyǵymen keńeıtilgen apparat keńesi ótti, keńes barysynda QR Prezıdentiniń «Qazaqstan jańa jahandyq naqty ahýalda: ósim, reformalar, damý» joldaýynda aıtylǵan ınvestıtsııa tartý men 2016-2019 oqý jyldaryna arnalǵan úshtildilikti damytý salalaryn júzege asyrý máseleleri qaraldy.
Oblys ákiminiń baspasóz qyzmetiniń habarlaýynsha, kásipkerlik jáne ındýstrııalyq-ınnovatsııalyq damý basqarma basshysynyń orynbasary Jarqyn Musaǵalıev oblystaǵy ınvestıtsııalyq ahýal men ınvestıtsııa tartý boıynsha baıandama jasady.
Bilim berý basqarmasynyń basshysy Aıjan Sadyqova 2016-2019 oqý jyldaryna arnalǵan úshtildilikti damytýdyń keshendi baǵdarlamasynyń júzege asyrylýy jaıly aıtyp ótti.
Qaralǵan máseleler boıynsha oblys ákimi naqty tapsyrmalar berdi.
