ShQO: 8 naýryzda 28 myńǵa jýyq kópbalaly anaǵa birrettik tólem beriledi

ÓSKEMEN. QazAqparat – Shyǵys Qazaqstan oblysynda 8 naýryz – Halyqaralyq áıelder kúnine oraı 28 myńǵa jýyq kópbalaly anaǵa birrettik tólem beriledi, dep habarlaıdy QazAqparat tilshisi.

ShQO ákimi baspasóz qyzmetiniń málimetine súıensek, mereke qarsańynda kópbalaly analar 5 AEK (14 585 teńge) mólsherinde birrettik tólem alady.

«Naqty aıtsaq, «Altyn alqa», «Kúmis alqa» ıegerleri nemese buryn «Batyr Ana» ataǵyn alǵan jáne 1 jáne 2-dárejeli «Ana dańqy» ordenderimen nagradtalǵan 13058 kópbalaly ana, sondaı-aq birge turatyn 4 jáne odan da kóp kámeletke tolmaǵan balalary, onyń ishinde orta, tehnıkalyq jáne kásiptik, orta bilimnen keıingi bilim berý uıymdarynda, joǵary oqý oryndarynda kúndizgi oqý bóliminde oqıtyn balalary bar 14707 kópbalaly anaǵa birrettik tólem beriledi», - delingen habarlamada.

Jalpy 2021 jyly atalǵan tólemderge 27 765 kópbalaly ana úshin 404 955 myń teńge qarastyrylǵan.