ShQO: 10 saıajaıdy sharpyǵan órtti sóndirýge kúshti jel kedergi keltirýde
ÓSKEMEN. QazAqparat - Shyǵys Qazaqstan oblysy Glýbokoe aýdanyndaǵy saıajaı alabynda órt shyqqan, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, 16 qyrkúıek kúni saǵat 15.00-de saıajaı alabynda órt shyqqany jaıly habar túsken.
- Órt 10 saıajaı ýchaskesindegi sharýashylyq qora-jaılarǵa jaıylyp ketken. Qyzyl jalynnyń shyǵý sebebi anyqtalýda, - dep habarlady vedomstvo ókilderi.
Oqıǵa ornynda 13 tehnıka men jeke quramnan 75 órt sóndirýshi jumyldyrylǵan. Tilsiz jaýdy tolyqtaı sóndirýge kúshti jel kedergi keltirýde.
