ShQMÝ latyn álipbıin oqytýda óńirlik ortalyqqa aınalady

ÓSKEMEN. QazAqparat - Shyǵys Qazaqstandaǵy Sársen Amajolov atyndaǵy memlekettik ýnıversıtet latyn álipbıin oqytýdyń óńirlik ádistemesin ázirleýge kiristi, dep habarlaıdy QazAqparat tilshisi.

Qazirgi tańda atalmysh ýnıversıtet ustazdary Ahmet Baıtursynov atyndaǵy til bilimi ınstıtýtymen jáne Shaısultan Shaıahmetov atyndaǵy tilderdi damytý respýblıkalyq ortalyǵymen tyǵyz jumys júrgizýde. Atalmysh mekeme ǵalymdarynyń nusqaýymen jańa álipbıdi oqytýdyń óńirdik ádistemesin jasaý josparlanǵan.

«Eń áýeli álipbı úıretýdiń ádistemelik negizin jasap almaqshymyz. Aýdıtorııasyn sodan keıin anyqtaımyz. Jalpy bizdiń ýnıversıtet jańa álipbıdi úıretýde óńirlik ortalyq bolady degen jospar bar. Álipbı úıretýshiler biz daıyndaǵan ádisteme boıynsha jumys isteıtin bolady. Olardy da daıyndyqtan ótkizý qajet. Al qarapaıym turǵyndar úshin keshki mektep pen halyqtyq ýnıversıtet quramyz», - deıdi S.Amanjolov atyndaǵy ShQMÝ professory Silámbek Orazalın.

Ǵalymnyń aıtýynsha, «halyqtyq ýnıversıtet» arqyly álipbı úıretý álemdik tájirıbede keńinen taraǵan. Mundaı jolmen Túrkııa, Ázerbaıjan, Ózbekstan elderi de júrgen.

«Aty aıtyp turǵandaı, halyqtyq ýnıversıtet adamdy jasy men qyzmetine, laýazymyna qarap bólmeıdi. Qala turǵynyn da, dala turǵynyn da bir aýdıtorııaǵa toǵystyratyn júıe bul», - deıdi Silámbek Orazalın.

Shyǵysqazaqstandyqtardyń jańa álipbıdi úırenýge degen qulshynysy joǵary. Ýnıversıtet stýdentteri jańa nusqany  ádistemeniń daıyndalýyn kútpesten úırene bastady.