ShQMTÝ «sandyq mazmundaǵy» jańa mamandyqtardy oqyta bastaıdy
«Sarapshylar álem ekonomıkasyn 3 topqa bólip qarastyryp júr. Birinshisi - jańa tehnologııalardy ashýǵa, jetildirýge, patentteýge áleýetti elder. Ekinshisi - olardy júzege asyrýǵa qabilettiler. Úshinshisi - sol tehnologııalardy tek satyp alyp, tutynýǵa ǵana qabiletti memleketter. Qazaqstannyń qazirgi mindeti - ekinshi topqa ený. Jańa bilim berý baǵdarlamalary buǵan deıin júzege asqan IIDMB-dan alynǵan tájirıbeni eskere otyryp ázirlengen jáne «Qazatomónerkásip» UAK AQ seriktestik týraly kelisim aıasynda daıyndaldy» - deıdi ýnıversıtet rektory Jasulan Shaımardanov.
ShQMTÝ-dyń ITPS OK dekany Tamara Segedanyń aıtýynsha, usynylyp otyrǵan 8 baǵdarlama boıynsha oqytý aǵylshyn tilinde ótkiziledi.
«Biz usynyp otyrǵan 8 baǵdarlamanyń barlyǵy aǵylshyn tilinde júrgiziledi. «Naqty egin sharýashylyǵy», «Medıtsınalyq tehnıka», «Robottandyrylǵan pılotsyz apparattar», «Addıtıvti tehnologııalar», «Jerdi zertteýdiń sandyq ádisteri», «Adamnyń kompıýterlik júıelermen ózara árekettestiginiń ınterfeısi», «Tirshilikti qamtamasyz etýdi basqarýdyń ıntellektýaldyq júıeleri» jáne «Jobalaýdaǵy BIM-tehnologııalar» tárizdi sandyq ekonomıkanyń ár salasyn qamtıtyn bul baǵdarlamalar iri salalyq kásiporyndarmen jáne sheteldik JOO-men birlese otyryp quryldy», - deıdi ol.
Al Atom ónerkásibi úshin magıstrlerdi daıarlaý baǵdarlamasynyń qatysýshysy, Baýman atyndaǵy MMTÝ dotsenti Pavel Markovtyń atap ótýinshe, ekonomıkany tsıfrlandyrý barlyq salalar úshin zaman talabynan qalmaı ilesýge qabiletti, óndiristik jáne ǵylymı ózekti máselelerdi sheshýge daıyn mamandardy daıarlaýdy talap etedi. «Shyǵysqazaqstandyq áriptesterimiz osy údeden shyǵady degen senimdemin», - dedi dotsent.
«Kórip otyrǵanymyzdaı, mundaǵy qolǵa alynǵan jumystardyń nátıjesin, tipti sheteldik analogtarmen salystyrǵanda, naǵyz ınnovatsııalarǵa jatqyzýǵa bolady», - deıdi «Bıznes-Astana» JShS ókili Danııar Abıtaev.
