Іshki ister organdary jáne áskerı qyzmetshilerge synyptyq biliktilik berý tártibi ózgeredi
ASTANA. KAZINFORM — Mınıstrlik ishki ister organdarynyń qyzmetkerleri men áskerı qyzmetshilerine synyptyq biliktilik berý, arttyrý, rastaý, saqtaý, tómendetý jáne alyp tastaý qaǵıdasyna ózgerister engizdi.
Qujat jobasy «Ashyq NQA» portalynda jarııalandy. Atap aıtqanda, 2025 jylǵy 30 maýsymdaǵy «Qazaqstan Respýblıkasynyń keıbir zańnamalyq aktilerine quqyq qorǵaý qyzmetin jetildirý, quqyq qorǵaý, arnaýly memlekettik organdar, azamattyq qorǵaý organdary qyzmetkerlerin jáne áskerı qyzmetshilerdi turǵyn úımen qamtamasyz etý men áleýmettik qorǵaý máselesi boıynsha ózgerister men tolyqtyrýlar engizý, sondaı-aq ishki ister organdary qyzmetiniń artyq zańnamalyq rettelýin alyp tastaý týraly» zańǵa sáıkes «Qazaqstan Respýblıkasynyń ishki ister organdary týraly» zańynda «jelilik» ataýy «kólikpen» dep ózgertilgen.
Osyǵan baılanysty jobada ataýlar men termınologııa zańnamaǵa sáıkestendirilip jatyr.
Sonymen qatar, kelesi baǵyttar boıynsha ózgerister men tolyqtyrýlar engiziledi:
— ishki ister organdary qyzmetkerleri men áskerı qyzmetshilerine synyptyq biliktilikti tómendetý jáne alyp tastaý tártibi, synyptyq biliktilikti anyqtaý kezindegi qyzmet ótilin esepteý tártibi;
— Ulttyq ulan áskerı qyzmetshileriniń synyptyq biliktiligin aıqyndaý kezinde olardyń qyzmet ótilin esepteý tártibi;
— vedomstvolyq áskerı oqý oryndarynda jáne halyqaralyq kelisimder aıasynda shetelde kúndizgi oqý nysany boıynsha bilim alyp jatqan Ulttyq ulan áskerı qyzmetshileriniń, sondaı-aq krap bereti men krap tústi telnıashka kııýge quqyq beretin biliktilik synaǵynan sátti ótken áskerı qyzmetshilerdiń synyptyq biliktiligin aıqyndaý tártibi;
— Ulttyq ulannyń avıatsııalyq personalyna synyptyq biliktilikti aıqyndaý tártibin alyp tastaý (atalǵan ókilettiliktiń QR Qorǵanys mınıstrligine berilýine baılanysty).
Qujat ishki ister organdary qyzmetkerleri men áskerı qyzmetshileriniń kásibı deńgeıin jan-jaqty baǵalaýǵa, olardy qosymsha materıaldyq yntalandyrýǵa, sondaı-aq kadr tartý múmkindigin keńeıtýge baǵyttalǵan.
Qujat jobasy bıyl 12 tamyzǵa deıin qoǵamdyq talqylaýǵa usynylyp otyr.
Ótken jyly attestatsııadan ótpegen ishki ister organdary qyzmetkerlerin jumystan bosatý máselesin kótergen edik.