Іshki ister organdary qyzmetkerlerine arnalǵan jańa ádistemelik quraldar tanystyryldy
ASTANA. KAZINFORM – Іshki ister mınıstri Erjan Sadenovtiń tapsyrmasy boıynsha vedomstvoda jedel-krımınalıstıkalyq departament qyzmetkerleri ázirlegen ádistemelik quraldardyń tanystyrylymy ótti, — dep jazdy Polisia.kz.
Іs-sharaǵa Іshki ister mınıstriniń orynbasary Sanjar Adılov tóraǵalyq etti. Tanystyrylymǵa mınıstrliktiń ortalyq apparaty men aýmaqtyq ishki ister organdarynyń basshylary, sondaı-aq L.N.Gýmılev atyndaǵy Eýrazııa ulttyq ýnıversıtetiniń qylmystyq-quqyqtyq pánder kafedrasynyń ókilderi qatysty.
Іs-shara barysynda baǵdarlamalyq basqarylatyn qurylǵylardyń kómegimen oryndalǵan qoljazba mátinder men qoltańbalardy zertteý, portrettik saraptamalar júrgizý, ballıstıkalyq obektilermen jumys isteý kezindegi qaýipsizdik sharalaryn qamtamasyz etý, oqıǵa ornyn qaraý kezinde bıologııalyq izderdi alý tártibi, sondaı-aq tótenshe jaǵdaılar kezindegi qyzmetkerlerdiń is-qımyl algorıtmderine arnalǵan ádistemelik quraldar tanystyryldy.
Usynylǵan árbir qural otandyq krımınalıstıka mektebin damytýǵa, býyndar sabaqtastyǵyn nyǵaıtýǵa jáne ishki ister organdary qyzmetkerleriniń kásibı daıarlyǵyn odan ári jetildirýge eleýli úles qosady. Daıyndalǵan ádistemelik materıaldar praktıkalyq qyzmette keńinen qoldanylyp, ishki ister organdary qyzmetkerleriniń kúndelikti jumysyndaǵy senimdi quralǵa aınalady.
Aıta keteıik, Qazaqstan polıtsııasy ShYU-ǵa múshe memleketter úshin 345 qylmyskerdi taýyp, ustady.
