Іshki ister mınıstrliginiń quzyreti keńeıtildi
ASTANA. KAZINFORM – Endi ishki ister organdaryna qyzmetke qabyldanatyn kandıdattyń kásibı quzyretin, negizgi kórsetkishterin aıqyndaý ádisteri men qaǵıdalaryn jáne básekege qabilettilik kórsetkishin (tsıfrlyq reıtıngin) erejesin endi mınıstrlik bekitedi.
Qazaqstan Respýblıkasy Úkimetiniń 2025 jylǵy 10 sáýirdegi qaýlysymen Qazaqstan Respýblıkasynyń Іshki ister mınıstrligi týraly erejege ózgerister engizildi. Qaýly bıyl 22 sáýirden bastap kúshine enedi.
Jańa ereje mınıstrliktiń kelesi jańa fýnktsııalarymen tolyqtyryldy:
- kúzet qyzmeti salasyndaǵy salalyq biliktilikti ázirleıdi nemese ózektendiredi;
- kúzet qyzmeti salasyndaǵy kásibı standartty ázirleıdi jáne ózektendiredi;
- kásibı biliktilikti taný salasyndaǵy ýákiletti organmen kelisý arqyly kúzet qyzmeti salasyndaǵy kásibı standartty bekitedi;
- kásibı standarttardy ázirleý jáne ózektendirý jóninde usynystar ázirleıdi jáne olardy kásibı biliktilikterdi taný salasyndaǵy ýákiletti organǵa jiberedi;
- kásibı biliktilikter boıynsha salalyq keńester týraly erejeni ázirleıdi jáne bekitedi;
- kásibı biliktilikterdi taný salasyndaǵy ýákiletti organǵa kásipter tizilimin ózgertý jáne tolyqtyrý jóninde usynystar engizedi;
- aımaqtar, respýblıkalyq mańyzy bar qalalar jáne astana ákimdikterimen kelisý arqyly qazir jáne bolashaqta kásipterdiń ózektiligin eskere otyryp, eńbek naryǵynyń kásibı biliktilikterdi tanýǵa degen qajettiligin qalyptastyrady;
- kásibı biliktilikterdi taný sharttary boıynsha kásibı biliktilikterdi taný salasyndaǵy ýákiletti organǵa usynystar engizedi;
- ishki ister organdary qyzmetkeriniń jospardan tys attestatsııadan ótkizý tártibin, kezeńderin jáne merzimderin bekitedi;
- Qazaqstan Respýblıkasynyń ishki ister organdaryna qyzmetke kandıdattyń kásibı quzyretterin, negizgi kórsetkishterin aıqyndaý ádisteri men qaǵıdalaryn jáne básekege qabilettilik kórsetkishin (tsıfrlyq reıtıngin) esepteý erejesin bekitedi;
- psıhotroptyq zattar men prekýrsorlary bar dárilik zattarǵa ruqsat beretin laýazymdy tulǵalar men uıymdar tizbesin densaýlyq saqtaý salasyndaǵy ýákiletti memlekettik organ aıqyndaıtyn tizimmen kelisedi;
- Qazaqstan Respýblıkasy azamattarynyń ótinishin óz quzyreti aıasynda qaraıdy;
- quqyq qorǵaý organdary jáne Qazaqstan Respýblıkasynyń azamattyq qorǵaý salasyndaǵy ýákiletti organynyń basshysymen birlesip, psıhologııalyq-áleýmettik zertteý júrgizý tártibi men ádisterin ázirleıdi jáne bekitedi;
- quqyq qorǵaý organdarynyń, azamattyq qorǵaý organdarynyń jáne memlekettik feldegerlik qyzmettiń qyzmetkerlerin, olarmen birge turatyn otbasy múshelerin, zeınetkerlerdi jáne qyzmettik mindetterin oryndaý kezinde qaza tapqan qyzmetkerlerdiń kámelet jasyna tolmaǵan balalaryn ishki ister organdarynyń Astana jáne Almaty qalalarynda ornalasqan medıtsınalyq uıymdaryna joldaý tártibin aıqyndaıdy.
Mınıstrdiń ókilettikteri týraly tarmaq jańa redaktsııada usynyldy:
Qazaqstan Respýblıkasynyń quqyq qorǵaý qyzmeti týraly zańnamasyna sáıkes oblystyń, respýblıkalyq mańyzy bar qalanyń, astananyń polıtsııa departamentiniń bastyǵyn laýazymǵa taǵaıyndaıdy.
Sondaı-aq, mınıstrlik ishki ister organdaryndaǵy laýazymdardyń nomenklatýrasyn, laýazym sanattaryna qoıylatyn biliktilik talaptaryn bekitedi.
Eske salsaq, byltyr elimizde ishki ister organdary qyzmetkerleri esirtki skrınınginen óte bastady. Maqsat – tártip saqshylary arasynda esirtki táýekelin boldyrmaý, anyqtaý.