Іshki ister mınıstrligi júrgizýshilerge úndeý jasady
ASTANA. KAZINFORM - Іshki ister mınıstrligi jol qozǵalysyna qatysýshylarǵa úndeý jasap, tehnıkalyq baıqaý, saqtandyrý polısi jáne júrgizýshi kýáliginiń merzimin ýaqtyly tekserýdiń mańyzyn eske saldy, – dep habarlaıdy Polisia.kz.
Qurmetti jol qozǵalysyna qatysýshylar! Іshki ister mınıstrligi qujattaryńyzdy tekserýdi keıinge qaldyrmaı, dál qazir qaraýdy suraıdy. Másele tek tehnıkalyq baıqaý men saqtandyrý polısiniń bolýynda ǵana emes. Júrgizýshi kýáliginiń jaramdylyq merzimin de tekserińiz. Búginde muny birneshe mınýt ishinde onlaın ári kezeksiz jasaýǵa bolady. Bul jaı ǵana ereje emes. Bul – sizdiń jáne aınalańyzdaǵy adamdardyń qaýipsizdigi. Tehnıkalyq baıqaý – kóliktiń jaramdylyǵy. Saqtandyrý polısi – jol-kólik oqıǵasy bolǵan jaǵdaıda múddeńizdi qorǵaıtyn qujat. Avtomatty tirkeý kameralary mundaı quqyq buzýshylyqtardy anyqtap jatyr.
- Bul sharalar jazalaý úshin emes, táýekelderdiń aldyn alyp, ómirlerdi saqtaýǵa baǵyttalǵan. Qarapaıym talaptardy saqtaý – bul sizdiń qaýipsizdigińizdiń, senimińizdiń jáne joldaǵy tártiptiń kepili. Zań men tártip árqaısymyzdan bastalady, – dedi ІІM baspasóz hatshysy Shuǵyla Turlybek.
Aıta keteıik, osyǵan deıin Almatydaǵy jantúrshigerlik jol apatyna baılanyty polıtsııa qyzmettik tekserýdi bastaǵan bolatyn.
Sondaı-aq Almatyǵa 4 óńirdiń polıtsııa qyzmetkerleri bardy.
