Іshki ister mınıstrligi joldaǵy kóktaıǵaqqa baılanysty turǵyndarǵa úndeý jasady

ASTANA. KAZINFORM - Іshki ister mınıstrligi aýa raıyna baılanysty azamattarǵa úndeý jasady.

Mınıstrlik turǵyndardan asa qajet bolmasa úıden shyqpaýǵa, alys saparlardy keıinge qaldyrýǵa, júrgizýshilerden jol qozǵalysy erejelerin qatań saqtaýǵa, qaýipsiz jyldamdyqty tańdap, manevrlerden aýlaq bolýǵa, kólik quraldary arasyndaǵy araqashyqtyqty saqtaýǵa shaqyrdy.

- Qolaısyz aýa raıy saldarynan jolda jáne qoǵamdyq oryndarda qaýip joǵary. Biz azamattardy jaýapkershilik tanytyp, qaýipsizdik sharalaryn saqtaýǵa jáne tótenshe qyzmetterdiń resmı habarlamalaryn qadaǵalap otyrýǵa shaqyramyz, - dep atap ótti ІІM Ákimshilik polıtsııa komıtetiniń erekshe tapsyrmalar jónindegi aǵa ınspektory Aqtoty Boranova.

Osyǵan deıin bas travmatologtyń elordada aıaz ben kóktaıǵaqqa baılanysty turǵyndarǵa úndeý jasaǵany týraly jazdyq.

Sondaı-aq Astanada kóktaıǵaq saldarynan 100-den astam jol-kólik oqıǵasy bolǵan.