Іshki ister mınıstrligi ógeı ákesi bar otbasylardyń jaǵdaıyn tekserý usynysyna jaýap berdi

Іshki ister mınıstriniń orynbasary Igor Lepeha ógeı ákesi bar otbasylardy tekserý týraly osyǵan deıin aıtylǵan usynysqa qatysty pikir bildirdi, dep habarlaıdy QazAqparat tilshisi.

«Balany ógeı ákesi tárbıelep jatsa, bul jaǵdaı zań talaptaryn buzý deregi retinde sanalmaıdy jáne qandaı da bir tekserýge negiz bola almaıdy. Atap aıtqanda, kámeletke tolmaǵanǵa qatysty quqyǵy men múddesine nuqsan kelse nemese qylmystyq ári ákimshilik zańnama talaptary buzylsa, onda tekserý jasalady. Bala ógeı ákesiniń tárbıesinde júr eken dep tekseris jasaýdyń negizi joq, sondaı-aq bul múldem durys emes dep sanaımyn», - dedi I. Lepeha Senattyń jalpy otyrysynan keıin tilshiler suraǵyna jaýap bere otyryp.

Eske salsaq, Bas prokýratýrada ótken vedomstvoaralyq keńeste ógeı ákesi bar otbasylardy tekserý týraly usynys aıtyldy.

Bul rette Oqý-aǵartý vıtse-mınıstr Edil Ospan vedomstvoǵa mundaı otbasylardyń jaǵdaıyn tekserý týraly resmı usynys túspegenin málimdedi.