Іshki ister mınıstrligi «Ǵasyr» oqytý ortalyǵy jóninde pikir bildirdi

ASTANA. KAZINFORM – «Ǵasyr» oqý ortalyǵynyń alaıaqtyq áreketterine baılanysty polıtsııaǵa ujymdyq shaǵym tústi, dep habarlaıdy Kazinform QR Іshki ister mınıstrligine silteme jasap.

Tergeý barysynda anyqtalǵandaı, azamattar sheteldik joǵary oqý oryndaryna túsýge daıyndyq kýrstaryna jazylyp, kelisimshartqa qol qoıyp, tolyqtaı tólem jasaǵan. Alaıda oqý protsesi múlde bastalmaǵan, kórsetilýi tıis bilim berý qyzmetteri usynylmaǵan.

− Azamattardyń ujymdyq ótinishi negizinde QR Qylmystyq kodeksiniń 190-baby «Alaıaqtyq» boıynsha qylmystyq is qozǵaldy. Tergeý barysynda oqytý ortalyǵynda bilim alý úshin tólem jasaǵan azamattardyń ýáde etilgen oqý qyzmetterin almaǵany anyqtaldy. Atalǵan fakti boıynsha sotqa deıingi tergep-tekserý júrgizilip jatyr, − dep jazylǵan Іshki ister mınıstrliginiń Telegram-arnasynda. 

Atalǵan derek boıynsha qylmystyq is qozǵaldy. Qazir tergeý amaldary júrgizilip jatyr. Tergeý barysy Astana qalalyq PD basshylyǵynyń baqylaýynda.

Keshe elordalyq ata-analardyń Gasyr Foundation bilim berý ortalyǵyna jappaı shaǵymdanǵanyn habarlaǵan edik. Eldegi bilim berý ortalyqtary memlekettik organdardyń baqylaýynan tys qalyp otyr.