Іshki ister mınıstrligi elordadaǵy kópirde bolǵan apattyń mán-jaıyn aıtty
ASTANA. KAZINFORM – QR Іshki ister mınıstriniń orynbasary Igor Lepeha Astanada eki adam mert bolǵan jol apatynyń mán-jaıyn aıtty.
- Bul derek boıynsha is qozǵaldy. Qazir tergeý amaldary júrip jatyr. Jol-kólik apatyna kúdikti adam aman qaldy... Qaza bolǵandar jol apatyna kináli emes adamdar. Tergeý júrip jatqanyn eskere otyryp, basqa derekterdi jarııalaýǵa bolmaıdy, - dedi I. Lepeha Senatta tilshiler suraǵyna jaýap bere otyryp.
Budan buryn habarlanǵandaı, elordadaǵy Saraıshyq kóshesindegi iri jol apaty eki adamnyń ómirin qıǵanyn jazǵan edik.
«Toyota» kóliginiń júrgizýshisi Saraıshyq kóshesimen Túrkistan kóshesinen kele jatyp, kópir ústinde rýlge ıe bola almaı qalǵan. Sonyń saldarynan ol qarsy betke shyǵyp ketip, óz jolymen kele jatqan «Lada» jáne «Skoda» kólikterimen soqtyǵysqan.