Іshki ister mınıstri Talǵardaǵy jasóspirimniń ólimine qatysty isti baqylaýǵa aldy
QONAEV. KAZINFORM – Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy.
«Almaty oblysynyń Talǵar aýdanynda bolǵan kámeletke tolmaǵan balanyń ólimine qatysty mán-jaılar meniń jeke baqylaýymda. Oqıǵa ornynda birinshi orynbasarymnyń basshylyǵymen ІІM qyzmetkerlerinen quralǵan top jumys istep jatyr. Kináliler tıisti jazasyn alady», - delingen jazbada.
Eske salaıyq, Talǵar qalasynda 4 qazanǵa qaraǵan túni jas jigitter arasynda janjal týyndady. Kıkiljiń qarýly qaqtyǵysqa ulasyp, saldarynan eki jigit aýdandyq aýrýhanaǵa jetkizildi. Olardyń biri alǵan jaraqatynan jansaqtaý bóliminde qaıtys boldy.
Kisi óltirý faktisi boıynsha polıtsııa qylmystyq is qozǵady. Oqıǵanyń barlyq qatysýshy ustalyp, ýaqytsha ustaý ızolıatoryna qamaldy.
