Іshki ister mınıstri LRT vagondaryn tekserdi
ASTANA. KAZINFORM — Astanada Іshki ister mınıstrliginiń qyzmetkerleri jeńil relsti kólik LRT nysandaryn tekserdi. Negizgi nazar jolaýshylar qaýipsizdigi men qoǵamdyq tártiptiń saqtalýyna aýdaryldy. Bul týraly vedomstvonyń baspasóz qyzmeti málim etti.
Tártip saqshylary vagondardy, stantsııalardy jáne tehnıkalyq júıelerdi qarap shyqty. Qaýipsizdik sharalary, sondaı-aq jolaýshylardyń qaýipsiz júrip-turýyna jasalǵan jaǵdaılar zerdelendi.
ІІM LRT nysandaryndaǵy quqyqtyq tártip pen qaýipsizdikti qamtamasyz etý jumystyń negizgi baǵyttarynyń biri ekenin atap ótti. LRT-nyń iske qosylýy elordanyń kólik júıesin damytýdaǵy mańyzdy kezeńge aınalyp, qala turǵyndarynyń qatynaý yńǵaılylyǵy men mobıldigin arttyrdy.
Aıta keteıik, LRT iske qosylǵannan beri jolaýshylar sany 180 myńǵa jetti.
