Іshki ister mınıstri depýtattarǵa: Kóńil kóterý oryndaryna ózderińiz de baratyn shyǵarsyzdar...

ASTANA. KAZINFORM – Qoǵamdaǵy qaýipsizdik pen tártipti qamtamasyz etý máselelerine arnalǵan kóshpeli Úkimet saǵatynda Іshki ister mınıstri Erjan Sádenovke qaýipsizdigi tómen kóńil kóterý oryndaryn azaıtý týraly suraq qoıyldy.

- Statıstıka boıynsha kóńil kóterý oryndarynan 102 nómirine kelip túsetin qońyraýdyń basym bóligi túnde jáne demalys kúnderi tirkeledi. Eń jıi kezdesetin sebepter – kelýshiler men kóńil kóterý uıymy ákimshiliginiń arasyndaǵy daý-damaı. Oıyn-saýyq oryndarynyń qaýipsizdik deńgeıi týraly reıtıngti engizý qandaı nátıje berip jatyr? - dep surady Májilis depýtaty Danabek Isabek.

Іshki ister mınıstri reıtıng jarııalaýmen keleńsizdik azaıa salmaıtynyn aıtyp, depýtattyń ózine shúılikti.

- Qazir reıtıng boıynsha osyndaı 193 oıyn-saýyq ortalyǵy bar. Ol jerde qylmys, buzaqylyq jasalǵan. Osyndaı mekemelerdi anyqtap, ózimizdiń saıttarǵa jarııalap, ákimdikterge jetkizemiz. Ne úshin? Halyq kórip, ózi qorytyndy shyǵarý kerek. Ol jerde taǵamy tátti bolsa, oıyn-saýyq uıymdastyrý máselesi durys bolsa, sol reıtıngke qaramastan el baryp jatady. Ony biz bilemiz, bárimiz kýámiz. Keıbireýlerińiz baratyn da shyǵarsyzdar... Bilemiz ǵoı, ony, qalaı ekenin, - dedi mınıstr.

Osy jıynda áskerdegi ólim-jitim máselesi de aıtyldy.