Іshki saıasat tujyrymdamasyn ázirleımiz – Aıda Balaeva
ASTANA. KAZINFORM – Qazaqstannyń ishki saıasat tujyrymdamasy ázirlenedi. Bul týraly Mádenıet jáne aqparat mınıstri Aıda Balaeva málim etti.
- Prezıdent óz sózinde ishki saıasat salasynda júrgizilip jatqan barlyq jumysty júıeleıtin biryńǵaı tujyrymdamalyq qujat ázirleý qajettigin atap ótti. Atalǵan baǵyt boıynsha barlyq múddeli taraptyń qatysýymen arnaıy tujyrymdama ázirlenedi. Bul qujatta memlekettiń ıdeologııalyq jumysynyń maqsaty, mindetti men basymdyqtary naqty kórsetiledi. Ulttyq biregeıligimizdi, ómir saltymyzdy kórsetetin negizgi ulttyq qundylyqtar men rámizder belgilenedi, - dedi Aıda Balaeva elordada ótken ardagerler keńesiniń plenýmynda.
Odan ári mınıstr vedomstvolyq nagradalardyń taǵaıyndaý máselesin kóterdi.
- Vedomstvolyq nagradalardy berý júıesin retteý jáne olardyń ıegerleriniń mindetti tizilimin júrgizý jóninde birqatar jumys istelip jatyr. Búginde bekitilgen jalpy 159 vedomstvolyq nagrada bar. Atalǵan nagradalardy taǵaıyndaýda biryńǵaı tásilderdi engizý boıynsha halyqaralyq tájirıbege taldaý júrgizilip jatyr. Nátıjesi boıynsha vedomstvolyq nagradalardy ońtaılandyrý týraly usynystar Prezıdent janyndaǵy komıssııa qaraýyna osy aıda engiziledi, - deıdi ol.
Eske sala ketsek, bıyl Býrabaıda ótken ulttyq quryltaıda Memleket basshysy ishki saıasattaǵy sharýanyń bárin júıeleıtin birtutas tujyrymdamalyq qujat kerektigin aıtqan edi.
Aıta keteıik, búgin elordada respýblıkalyq ardagerler uıymy keńesiniń kezekti plenýmy ótti. Oǵan elimizdiń barlyq óńirinen ardagerler keńesiniń tóraǵalary qatysty.