Іshki naryqqa arnalǵan suıytylǵan gazdy bólýdiń jańa tsıfrlyq tetigi iske qosylady
ASTANA. KAZINFORM – Energetıka mınıstrliginde Astana qalasynda, Shymkent qalasynda jáne Batys Qazaqstan oblysynda suıytylǵan munaı gazyn bólýdiń tsıfrlyq servısi boıynsha pılottyq jobany testileý bastalady.
Bul taqyrypqa arnalǵan «QR ishki naryǵyna taýar bırjalarynan tys suıytylǵan munaı gazyn jetkizý jáne bólý jospary» tsıfrlyq servısiniń pılottyq iske qosylýyna arnalǵan keńes ótti.
Keńes Energetıka mınıstrliginiń jetekshilik etetin vıtse-mınıstrleriniń tóraǵalyǵymen, Astana jáne Shymkent qalalarynyń, Batys Qazaqstan oblysynyń jergilikti atqarýshy organdarynyń ókilderiniń, «Qazaqstannyń otyn qaýymdastyǵynyń», sondaı-aq suıytylǵan munaı gazy naryǵy sýbektileriniń qatysýymen ótti.
Іs-shara barysynda tsıfrlyq servıstiń ázirlenýi Memleket basshysynyń tapsyrmalaryn iske asyrý sheńberinde júzege asyrylyp jatqany jáne ishki naryqta suıytylǵan munaı gazyn bólý úderisteriniń ashyqtyǵyn, basqarylýyn jáne tıimdiligin arttyrýǵa baǵyttalǵany atap ótildi.
Búgingi tańda tsıfrlyq servısti ázirleýdiń negizgi kezeńi aıaqtaldy, úderistiń barlyq qatysýshylarynyń rólderi aıqyndaldy, ótinimderdi berý jáne óńdeý tetigi iske asyryldy, sondaı-aq bólinetin suıytylǵan munaı gazy kólemin esepteý avtomattandyryldy. Júıe gaz jáne gazben jabdyqtaý salasyndaǵy qoldanystaǵy normatıvtik-quqyqtyq aktilerge sáıkes ázirlengen.
Keńes aıasynda tsıfrlyq servısti pılottaý kezeńiniń bastalǵany jarııalandy. Pılottaý jergilikti atqarýshy organdar men naryq sýbektileriniń qatysýymen júrgizilip, fýnktsıonaldy aprobatsııalaýǵa, esepteýlerdiń durystyǵyn tekserýge jáne qatysýshylar arasyndaǵy ózara is-qımyldy pysyqtaýǵa baǵyttalady.
Pılottaý qorytyndylary boıynsha eskertýlerdi jınaý jáne taldaý, sondaı-aq tsıfrlyq servısti ónerkásiptik paıdalanýǵa engizer aldynda ony jetildirý josparlanyp otyr.
Energetıka mınıstrligi atalǵan tsıfrlyq servısti engizý suıytylǵan munaı gazyn bólýdiń ashyq ári tsıfrlyq tetigin qalyptastyrýdaǵy mańyzdy qadam bolatynyn jáne ishki naryqty turaqty qamtamasyz etýge yqpal etetinin atap ótedi.
Aıta ketelik elimiz 11 aıda 73,4 mln tonna munaı eksporttaǵan edi.