Іshki áýe reısterinde bıometrııa engiziledi
ASTANA. KAZINFORM — Búgin Úkimet otyrysynda Kólik mınıstri Nurlan Saýranbaev avıatsııadaǵy tsıfrlandyrýǵa túsinik berdi.
— Avıatsııada tsıfrlandyrýdy engizip jatyrmyz. Q-Gate júıesi baqylaýdan ótý ýaqytyn 3 mınýttan 50 sekýndqa deıin qysqartady. Qazirgi ýaqytta Astana jáne Almaty aeroporttarynda 16 termınal jumys isteıdi. Bıyl Shymkent, Atyraý, Aqtóbe jáne Aqtaýda taǵy 16 termınal ornatý josparlandy, — dedi Nurlan Saýranbaev.
Onyń aıtýynsha, kelesi kezeńde ishki reısterde bıometrııany engizý kózdelgen. Pılottyq joba Astana–Shymkent baǵyty boıynsha iske asyrylady.
— Júk segmentinde e-Freight júıesi engizilip jatyr. Bul júk óńdeý ýaqytyn 1 kúnnen 1 saǵatqa deıin qysqartýǵa jáne protsesterdi tolyq tsıfrlandyrýǵa múmkindik beredi, — dedi mınıstr.
Buǵan deıin qazaqstandyq áýe kompanııalaryna Taıaý Shyǵystaǵy jaǵdaı qalaı áser etip jatqanyn jazǵan edik.
2025 jyly qazaqstandyq áýe kompanııalar 15 mln jolaýshy tasymaldady. Bıylǵy alǵashqy 4 aıda jolaýshylar sany 4 mln-nan asty.
Sonymen qatar mınıstr úsh jylda eldegi áýejaılardyń ınfraqurylymyn jańartý erekshe baqylaýda bolatynyn aıtty.
