Іshki aýdıttiń tsıfrlyq transformatsııasy: biryńǵaı ekojúıe qurylady

ASTANA. KAZINFORM – Endi ortalyq memlekettik organdardyń 26 jáne jergilikti atqarýshy organdardyń 20 ishki aýdıt qyzmeti osy tsıfrlyq júıege derbes qol jetkizip, aýdıtorlyq is-sharalardy sapalyq turǵydan jańa deńgeıde — ashyq, jedel jáne nátıjege baǵyttalǵan formatta uıymdastyrý múmkindigine ıe boldy.

Tsıfrlandyrýdyń jol kartasyn iske asyrý aıasynda ishki memlekettik aýdıt salasynda júıeli ózgerister jalǵasyp jatyr.

Basty qadamdardyń biri — Іshki memlekettik aýdıt komıteti men onyń aýmaqtyq departamentteri sátti qoldanyp kele jatqan elektrondyq aýdıttiń fýnktsıonalyn keńeıtý.

Іshki aýdıt qyzmetteriniń vedomstvolyq aqparattyq júıeler men derekqorlarǵa qoljetimdiligi eskerilse, elektrondyq aýdıt olar úshin erekshe tıimdi jáne ıkemdi quralǵa aınalmaq.

— Biz jaı ǵana jańa tehnologııa engizip jatqan joqpyz — biz ishki memlekettik aýdıttiń biryńǵaı tsıfrlyq ekojúıesin qalyptastyryp jatyrmyz. Bul — ishki aýdıtti tek baqylaý quraly ǵana emes, memlekettik basqarý tıimdiligin arttyrýǵa baǵyttalǵan naqty tetikke aınaldyrý jolyndaǵy mańyzdy qadam, — dedi Qarjy mınıstrligi Іshki memlekettik aýdıt komıteti tóraǵasynyń orynbasary Murat Orazbaı. 

Aıta ketelik elimizde ǵımarat, qurylys jáne ınjenerlik kommýnıkatsııalardy tsıfrlandyrý deńgeıi ósti.