ShYU Syrtqy ister mınıstrleri qandaı sheshimder qabyldady
ASTANA. KAZINFORM – Elordada Shanhaı Yntymaqtastyq Uıymy hatshylyǵynyń 2023 jylǵy mamyrdan 2024 jylǵy mamyrǵa deıingi kezeńdegi jumysy týraly esebi maquldandy. Bul týraly ShYU Bas hatshysy Chjan Mın málim etti.
«Kezdesý qorytyndysy boıynsha saıası-dıplomatııalyq, saýda-ekonomıkalyq jáne mádenı-gýmanıtarlyq salalardaǵy kópjaqty yntymaqtastyqqa qatysty 22 sheshim qabyldandy. Sondaı-aq, Shanhaı Yntymaqtastyq Uıymy hatshylyǵynyń 2023 jylǵy mamyrdan 2024 jylǵy mamyrǵa deıingi kezeńdegi jumysy týraly esebi maquldandy», - dedi Chjan Mın BAQ ókilderine málimdeme jasap.
Otyrysqa Syrtqy ister mınıstri nemese onyń orynbasary deńgeıindegi barlyq (9) múshe memleket jáne ShYU aımaqtyq terrorızmge qarsy qurylym dırektory R.E. Mırzaev pen Belarýs Respýblıkasynyń SІM basshysy S. F. Aleınık otyrysqa qatysty.
«Qorytyndylaı kele, QR Premer-Mınıstriniń orynbasary - Qazaqstan Respýblıkasynyń Syrtqy ister mınıstri Murat Nurtileýge, vedomstvo qyzmetkerlerine jáne jalpy qazaqstandyq áriptesterge ShYU Syrtqy ister mınıstrleri otyrysyn joǵary kásibı deńgeıde ótkizgeni úshin, hatshylyq delegatsııasyna qajetti járdem kórsetip, jyly qabyldaǵany úshin alǵys aıtam», - deıdi ol.
Búgin Astanada ShYU-ǵa múshe memleketter syrtqy ister mınıstrleri keńesiniń otyrysy ótti.
