ShYU sammıtine kelgen meımandar kóshpendiler oıyndarymen tanysty
ASTANA. KAZINFORM – Astana sammıtine Shanhaı yntymaqtastyq uıymyna múshe elderden kelgen meımandar men BAQ ókilderine kúzde elordada ótkeli otyrǵan V dúnıejúzilik kóshpendiler oıyndary tanystyryldy.
Sheteldik delegattar arasynda Germanııa, Úndistan, Ispanııa, Italııa, Ońtústik Koreıa, Lıvan, Malaızııa, Norvegııa, Serbııa jáne Chehııadan kelgen jýrnalıster bar.
«Keshe Shanhaı yntymaqtastyq uıymynyń Astana sammıtinde «Beıbitshilik jáne kelisim saraıynda» kóshpendiler oıyndaryna arnalǵan burysh uıymdastyrdyq. Ol jerde sarapshylar, volonterler óz pikirin aıtyp, tanystyrdy. 100-den astam sheteldik jýrnalıst boldy, biz vıdeorolık kórsettik. Sheteldik meımandarǵa kóshpendiler oıyndary týraly kitapshalar tarattyq. Búgin sonyń jalǵasy, Syrtqy ister mınıstrligimen birlesip uıymdastyryp jatyrmyz», - dedi Týrızm jáne sport vıtse-mınıstri Serik Jarasbaev BAQ ókilderine suhbat bere otyryp.
Dúnıejúzilik kóshpendiler oıyndarynyń dırektsııasy sheteldik meımandarǵa arnaıy baǵdarlama daıyndaǵan.
Sondaı-aq, kóshpendiler oıyndarynyń ereksheligin jetkizý maqsatynda «Qazaqstan» jeńil atletıka kesheni oıyndardyń stılinde bezendirilip, ulttyq sport túrlerinen qoıylymdar qoıyldy.
Eske sala keteıik, Dúnıejúzilik kóshpendiler oıyndarynyń Qazaqstanda ótetini byltyr qazanda belgili boldy.
Al bıyl naýryzda alǵashqy bılet satyldy.
Aıta keteıik, dúnıejúzilik kóshpendiler oıyndary UNESCO qoldaýymen ótedi.
