ShYU sammıti: Elordadaǵy dinı nysandar baqylaýǵa alyndy

ASTANA. KAZINFORM – Shanhaı yntymaqtastyq uıymy sammıtiniń ótýine baılanysty elorda tóńiregine blok- posttar qoıyldy. Bul týraly Іshki ister mınıstriniń birinshi orynbasary Marat Qojaev aıtty.

«Elimizde, elordada geosaıası turǵyda zor mańyzy bar óte aýqymdy saıası is-shara ótetindigine baılanysty qazirgi ýaqytta polıtsııa kúsheıtilgen jumys rejımine kóshirildi», - dedi ol Senattyń jalpy otyrysy aıasynda BAQ ókilderiniń saýalyna oraı.

Sonymen qatar mınıstrdiń birinshi orynbasary elorda tóńiregine blok-posttar ornatylǵanyn aıtty. Biraq olardyń sanyn aıtýdan bas tartty.

«Sondyqtan da mundaı sharalar qoldanylady. Bul – Qazaqstan tapqan dúnıe emes, halyqaralyq tájirıbe. Biz munyń bárin eń aldymen halyqtyń qaýipsizdigi úshin jasaımyz. Mártebeli meımandar, úlken delegatsııa keletindigine baılanysty aldyn ala eskertemiz. Strategııalyq mekemeler kúzetke alynǵan. Kórshi memleketterde bolǵan oqıǵalarǵa baılanysty jasaqtarymyzdy dinı jáne ózge de nysandarǵa jaqyndattyq», - dedi Marat Qojaev.

Esterińizge sala ketsek, taıaýda Daǵystanda belgisiz adamdar eki pravoslavıe shirkeýine, sınagoga men jol polıtsııasy beketine shabýyl jasady.