ShYU sammıti: Elorda 2 kúnge jabyq qalaǵa aınalmaıdy

ASTANA. KAZINFORM – Shildeniń 3-4 kúnderi Astanada ShYU sammıtiniń ótýine baılanysty qala syrttan kelýshiler úshin jabyq bolmaıdy. Bul týraly Senattyń jalpy otyrysynda Іshki ister mınıstriniń birinshi orynbasary Marat Qojaev aıtty.

Onyń atap ótýinshe, sammıt ótetin kúnderi elorda gornızondy tolyq quramda jumys isteıdi. Munan bólek, syrttan tartylatyn da kúshter bar.

«6 myńnan 8 myńǵa deıin polıtsııa qyzmet etedi. Azamattardyń júrip-turýyna eshqandaı shekteý joq. Bul osyndaı halyqaralyq is-sharany ótkizý kezinde qoldanylatyn standartty qaýipsizdikti kúsheıtýge baǵyttalǵan shara sanalady. Qalany eshkim jappaıdy», - dedi Marat Qojaev.