ShYU sammıti: Bishkektegi saýda ortalyqtary men bazarlar ýaqytsha jabylady
ASTANA. KAZINFORM — Qyrǵyzstan astanasynda 31 tamyz ben 1 qyrkúıek kúnderi iri saýda ortalyqtary men bazarlar ýaqytsha jabylady, dep habarlaıdy agenttiktiń Bishkektegi tilshisi.
Bul shekteýler ShYU sammıti men VI Dúnıejúzilik kóshpendiler oıyndary kezindegi qaýipsizdikti qamtamasyz etý jáne kólik keptelisin azaıtý úshin engizilmekshi.
Bishkek qalalyq keńesiniń qylmystyń aldyn alý jónindegi úılestirý komıssııasynyń otyrysynda resmı delegatsııanyń baǵyty boıynda ornalasqan saýda ortalyqtarynyń jumysyn toqtatý týraly sheshim qabyldandy. Atap aıtqanda, «Chynar» SÚ, «Aıchúrek» ortalyq ámbebap dúkeni, «Bishkek Park», «Azııa Moll», «Ala-Archa», VEFA ortalyǵy taǵy basqalar.
Sonymen qatar, birqatar jerasty jaıaý júrginshiler ótkelderi 29 tamyz kúni saǵat 15:00–den bastap jabylady.
Bul sharalar qala turǵyndarynyń, el astanasyna kelgen qonaqtardyń jáne resmı delegatsııa ókilderiniń qaýipsizdigin qamtamasyz etýge baǵyttalǵan.
Aıta keteıik, ShYU memleket basshylary keńesiniń otyrysy 2026 jyldyń 31 tamyzynan 1 qyrkúıegine deıin Bishkekte Qyrǵyzstannyń tóraǵalyǵymen ótedi.
VI Dúnıejúzilik kóshpendiler oıyndarynyń ashylý saltanaty da el astanasynyń jańa stadıonynda ótedi. Oıyndardyń negizgi mádenı jáne ǵylymı baǵdarlamasy 2-6 qyrkúıek aralyǵynda Sholpan-Atada jáne Ystyqkól oblysyndaǵy Qyrchyn shatqalynda jalǵasady.
Buǵan deıin Qyrǵyzstannyń VI Dúnıejúzilik kóshpendiler oıyndaryna daıyndyq jumystaryn aıaqtap jatqanyn jazdyq.
Sondaı-aq, ShYU sammıtine baılanysty Bishkek turǵyndaryna qaladan ýaqytsha ketýge keńes berildi.
