ShYU Qorǵanys mınıstrleriniń keńesi bastaldy
ASTANA. KAZINFORM – Astanada Shanhaı yntymaqtastyq uıymyna múshe memleketter Qorǵanys mınıstrleriniń keńesi bastaldy.
Qazaqstannyń ShYU-ǵa tóraǵalyǵy aıasynda ótetin is-sharaǵa Iran, Qytaı, Qyrǵyzstan, Pákistan, Reseı, Tájikstan jáne Ózbekstan Qorǵanys mınıstrleri, Úndistan Qorǵanys mınıstriniń orynbasary qatysyp otyr.
Sondaı-aq, otyrysqa Shanhaı yntymaqtastyq uıymynyń Bas hatshysy, ShYU Aımaqtyq terrorızmge qarsy qurylymy Atqarýshy komıtetiniń dırektory jáne Belarýs Qorǵanys mınıstri shaqyrylǵan.
Aıta ketý kerek, sáýirdiń basynda Prezıdent Qasym-Jomart Toqaev ShYU-ǵa múshe memleketterdiń qaýipsizdik keńesteri hatshylarymen kezdesken.
– Ótken jyly álemde óńirlik jáne jergilikti deńgeıde 183 qaqtyǵys boldy. Janjaldardyń sany shamamen 30 paıyzǵa artqan. Bul – sońǵy otyz jyldaǵy eń joǵary kórsetkish. Sarapshylar qaqtyǵystar men zorlyq-zombylyq áreketteriniń jahandyq tsıkly beleń alyp kele jatyr dep sanaıdy. Osy rette halyqaralyq terrorızmnen de tónetin qaýip kúsheıip keledi, – dedi Memleket basshysy sol kezdesýde.
