ShYU qyzmeti reformalanýy múmkin be – Bas hatshy jaýaby
ASTANA. KAZINFORM – ShYU-ny jańǵyrtý men reformalaýdyń perspektıvaly jáne syndarly jospary jasalady. Bul týraly ShYU Bas hatshysy Chjan Mın Kazinform agenttigine bergen suhbatynda aıtty.
«ShYU qurylǵaly jıyrma jyldan astam ýaqyt ótti, bul aralyqta barlyq salada eleýli jetistikterge qol jetkizildi jáne halyqaralyq jaǵdaıda aıtarlyqtaı ózgerister boldy. Oǵan múshe memleketter ShYU qyzmetin jetildirýdi negizgi mindetterdiń biri retinde qarastyrady jáne ony ilgeriletý úshin bar kúshin salady. Bul baǵyttaǵy jumys Memleket basshylarynyń keńesi, Úkimet basshylarynyń keńesi, Syrtqy ister mınıstrleriniń keńesi jáne uıymnyń basqa da mańyzdy mehanızmderi deńgeıinde júrgiziledi», - dedi Chjan Mın.
Onyń aıtýynsha, 2022 jyly Samarqan sammıtinde múshe memleketterdiń basshylary ShYU qyzmetin jetildirý týraly sheshim qabyldaǵan.
«2023 jyly naýryzda Astanada qazaqstandyq taraptyń tóraǵalyǵymen osy taqyryp boıynsha alǵashqy saraptamalyq konsýltatsııalar ótti, onyń qorytyndysy boıynsha bul jumysty Ulttyq úılestirýshiler keńesiniń, Syrtqy ister mınıstrleri keńesiniń jáne múshe memleketter basshylary keńesiniń otyrystarynda qaraý uıǵaryldy. Qazirgi ýaqytta ShYU-ǵa múshe memleketter osy másele boıynsha birqatar mańyzdy ýaǵdalastyqqa qol jetkizdi jáne belgilengen jospar boıynsha tıisti jumysty ilgeriletip keledi. Bul jumys áli jalǵasyp jatqandyqtan, men barlyq málimetti ashyq aıta almaımyn. Degenmen, múshe memleketterdiń birlesken kúsh-jigerimen ShYU-ny jańǵyrtý men reformalaýdyń perspektıvaly jáne syndarly josparyn ázirleı alatynymyzǵa senimdimin, bul Uıymymyzǵa zamannan qalyspaýǵa jáne múshe memleketterdiń halyqtaryna kóbirek paıda ákelýge kómektesedi», - dedi spıker.
Suhbattyń tolyq nusqasyna myna silteme arqyly óte alasyz.
